Að loknum kosningum

Þá liggja niðurstöður fyrir úr Alþingiskosningunum. Hefði kosið önnur úrslit en ekki er á allt kosið í þingheimi frekar en í Euróvísjón. Ég gætti tveggja barna sem eiga móður sem er stjórnmálamaður og hefur átt mjög annríkt undanfarið og þáðu þau ömmuskjól um helgina. Þannig að það var ekki lognmolla hér á bæ, mörg bátt þurftu koss, mikið skorið niður af ávöxtum og full vinna að brytja í þau matinn. Boðið var upp á hina frægu kjötsúpu húsins og rann hún ljúflega niður í ungviðið enda ekki lystaleysinu fyrir að fara þar. Þau hittu kanínu úti í garði og fannst mikið til um og reittu gras handa henni og klöppuðu og kjössuðu. Á laugardaginn fórum við Eggert til fundar við risessuna niður í bæ þegar hún var einmitt að baða sig, mikil krúsidúlla þar á ferð. Sóríkt og fallegt veður er í höfuðborginni núna en kalt. mn

Athugasemdir

[Anna Steinunn (IP-tala skráð) 14.5.2007 kl. 22:50]

Hæ María mín...

Þú hittir naglann á höfuðið með hana Sólrúnu, hún býr á Selfossi og er nuddari og dreif sig svo í hjúkkuna, voða dugleg.

Og við Björk erum búnar að þekkjast lengi og ég hafði ekki hugmynd um að þið þekktust í gegnum Ljósið, svona er heimurinn lítill...

Vona að þú og þið séuð öll hress og kát og að þér líði vel kæra María.

Kveðja frá Norðurlandinu Anna Steinunn